慈素小聚

营业中

休息中

估唔到喺尖沙咀鬧市之中，竟然有間非常別緻嘅素菜小店。素慈小聚係家庭式經營，每一道菜都係老闆娘用心製作，由選材到煮法，都係經過用心研究，喺其他餐廳絕對食唔到。雖然餐廳地方比較細，菜色亦比較少，但每樣食物都充滿啖啖嘅人情味。呢度嘅食物非常新穎，我哋叫嘅素食三文魚拼盤，好有日式刺身嘅風味，佢嘅外貌不單同真嘅似到十足十，連食起上嚟，都非常之似，甚至比真嘅三文魚更加厚身😋除此之外，佢嘅印度風味Masala咖喱配手抓餅，甚至比起印度嘅咖喱更好味，更能迎合香港人嘅口味。如果有個飯，我諗我可以食晒啲飯。至於西式風味方面，個忌廉濃湯蘑菇佐菠菜苗同樣出色，估唔到簡簡單單一個菠菜可以配蘑菇湯一齊食，對於唔鍾意食菜嘅朋友，一定可以食晒啲菜。而餐廳嘅飲品亦都非常高質，我就叫咗個鳥結糖latte，飲落每一啖奶都係淡淡的鳥結糖味，好得意，而且又唔係好甜。不得不提嘅係，平時素食價錢一啲都唔平，但素慈小聚每一道菜嘅價錢都好抵，絕對可以滿足樣樣都想試嘅朋友。