鴻圖樓

营业中

休息中

之前同同事食過呢間鴻圖樓飲茶，覺得呢到d點心有質素，今日突登帶埋母親大人過來試下。至尊蝦餃皇：蝦餃皇粒粒飽滿，粉皮咬落煙煙韌韌，蝦肉既鮮味好出，真係可以用皮薄餡靚黎形容，必點之選。鳳爪排骨飯 & 北菇滑雞飯：即叫即整煲仔飯，熱辣辣好足料，排骨唔鞋口；滑雞肉質好鮮嫩，飯感富層次。原隻鮮蝦腸：腸粉唔會好厚身，半透明睇到入面既蝦肉，睇到都想快d試下，鮮蝦爽口彈牙，好正。香濃芋絲餅：外脆內軟，芋頭味濃郁。脆皮蘿蔔糕：外皮金黃色，外脆內軟。黑竹炭奶黃流沙包：熱辣辣上枱，有流質感，蛋黃味香濃。🔎鴻圖樓 (觀塘)📍觀塘鴻圖道30號1-2樓