影片
更多
2017-01-03
445 浏览
新年倒數去左尖沙咀慶祝，但我地又無特登book餐廳，又唔想去商場排隊等開飯，比我地搵到間新開越南餐廳試吓。其實位置唔難搵到，係韓國街近凍肉店個度。餐廳格局簡單，雖然無豪裝，但坐得都舒服。餐牌都多野簡，有飯，麵同撈檬。一入到去老闆娘非常熱情，不停介紹佢地招牌蝦湯麵比我地，甘就當然要試下啦，我地就叫左三少爺蝦湯麵$90，香茅豬排撈檬$55，再加幾款小食。三少爺蝦湯麵... 老闆話用成7斤蝦殼煲左6個鐘，成本都佔左$200幾蚊，飲左一啖湯，好清甜，魚片吸晒湯底味道，好好食，食得出連魚片都係用靚野來，唔係雪藏好耐個種。另一重點係舊腩肉，肥而不油，肉質嫩，聽講都係花好多時間整，油麵彈牙，軟硬度剛好，講真$90 一d都唔貴，全部都花工夫整。豬排撈檬..... 上菜比佢嚇親，舊豬排成個碗面甘多，豬排好香口，夠juicy,外皮煎到少少焦，入面仍然多汁，旁邊蔥油唔好睇少佢，撈理麵度，好好食，蘿白絲都係鋪頭自己整，突然覺得師傅好忙，哈哈。豬頸肉$30同街外面既豬肉有d 唔同，肥膏無甘多，食第一啖有驚喜，肉嫩滑但外皮竟然係少少脆皮，老闆話係因為煎左，再切開。蝦餅$48又係師傅手工整出來，自己撻蝦膠，即叫即整
其實位置唔難搵到，係韓國街近凍肉店個度。餐廳格局簡單，雖然無豪裝，但坐得都舒服。餐牌都多野簡，有飯，麵同撈檬。
一入到去老闆娘非常熱情，不停介紹佢地招牌蝦湯麵比我地，甘就當然要試下啦，我地就叫左三少爺蝦湯麵$90，香茅豬排撈檬$55，再加幾款小食。
三少爺蝦湯麵... 老闆話用成7斤蝦殼煲左6個鐘，成本都佔左$200幾蚊，飲左一啖湯，好清甜，魚片吸晒湯底味道，好好食，食得出連魚片都係用靚野來，唔係雪藏好耐個種。另一重點係舊腩肉，肥而不油，肉質嫩，聽講都係花好多時間整，油麵彈牙，軟硬度剛好，講真$90 一d都唔貴，全部都花工夫整。
豬排撈檬..... 上菜比佢嚇親，舊豬排成個碗面甘多，豬排好香口，夠juicy,外皮煎到少少焦，入面仍然多汁，旁邊蔥油唔好睇少佢，撈理麵度，好好食，蘿白絲都係鋪頭自己整，突然覺得師傅好忙，哈哈。
豬頸肉$30
同街外面既豬肉有d 唔同，肥膏無甘多，食第一啖有驚喜，肉嫩滑但外皮竟然係少少脆皮，老闆話係因為煎左，再切開。
蝦餅$48
又係師傅手工整出來，自己撻蝦膠，即叫即整，炸皮薄餡料厚實。
煎雞排$30
老闆大推，本來諗住雞排同外面茶餐廳差不多款。點知來到，聞落好香，雞皮煎到勁香，又係外脆內多汁。
理單兩個人都係$250左右，又飽又好食，尖沙咀來講真係抵食，下次會再去試其他野。
张贴
