影片
以上资料只供参考，请与餐厅确认详情
浓浓 虾汤面是日放假，屋企四幅墙梗系困唔住我啦，行街揾食是基本常识吧！讲到喺尖沙咀嘅韩国街，就一定谂起韩烧！但系我仲未癫到下午茶食韩烧 不过我竟然俾一间门面唔太突出嘅餐厅吸引住，吸引我嘅系一阵唔应该属于韩国嘅味道！呢间系一间以虾汤汤底主打嘅餐厅。既然第一次试食，梗系试佢嘅招牌菜 - 皇牌三少爷虾汤面。碗面同间餐厅一样，麻雀虽小，五脏俱存；橙红色嘅汤底，加上丰富嘅配料：鲜虾、切片猪腩肉、鱼片、鸡蛋、通菜、豆卜。饿底嘅我一睇到就已经胃口大增先讲主角虾汤底，虽然浓但系唔会过咸，食落啖啖虾味，亦十分鲜甜，饮完个汤唔会觉得好口渴，应该落咗唔少心机食得出用心制作，相当出色。鲜虾同想像一样爽口，虽然连壳，但系虾身开咗边，唔会食到好论尽；腩肉相当淋，卤得入味之余好有口感，腩肉油香，同虾嘅鲜味好夹。菜和豆卜吸哂汤底嘅味道，令到味道更一流。鸡蛋虽然都唔错，不过我对溏心蛋有情义结，希望可以变溏心蛋食完整碗三少爷虾汤面一定要饮哂个汤底，唔饮就一定后悔同场加影，三少爷嘅生炸虾饼每日新鲜出品，自家制作，绝对真材实料，最重要系即叫即炸！炸皮炸到金黄色热腾腾十分松脆烫口，唔会同虾胶分开，虾胶口感弹牙仲好Juicy，值得一试虽然门面同普通餐厅差唔多，无华丽嘅装修，但系味道够，诚意十足！如果同朋友想食好野，但系食量又唔多，可以试吓呢间。
继续阅读
一个月前来试过，今个月又心思思想食，于是有空闲就来回味一下。由于选择很多，所以还是选试上次食过觉得不错的吧！1. 三少爷虾汤面 $90虾汤底仍然清甜，保留到上次给我的好印象，面质有弹性刚刚好，难得的是连菜也爽脆不马虎。2. 二少爷海鲜喇沙 $73由于上次已对这个上汤面了瘾，所以已成为我心中的必食，很满足，很香很惹味3. 炸鸡脾 $35是友人的最爱，我都忍不住要抢他的来食，正啊4. 瑞士鸡翼 $30这是我要再叫的，上次那份热滕滕又浓味令我很喜欢，所以这次也是叫你了。这次水准仍然保持到啊，所以一定再有下次，等我啊！ 因为跟上次叫的食物一样，所以这次就没有拍照了。
继续阅读
🍴三少爷虾面🍴$90唔知多唔多人好似我咁超钟意食海鲜味汤底既面💓次次都好似食拉面咁饮哂d汤呢碗虾汤面都叫数一数二浓味👍🏼师傅用成7斤虾淆6个钟 唔饮哂去对唔住自己😂料都有好多 鱼片头弹牙 腩肉都好均匀😋猪颈肉就反而一般般～唔够肥🙊🍴芝士虾春卷🍴$48芝见佢外皮以为系炸粉🤔原来系炸芝士黎👍🏼脆卜卜芝士配入面栗米虾饼 好特别～.🍴生炸虾饼🍴$48虾肉好大旧 性价比好高😂呢2样系小店最出名 重每日限量😂要食趁早～.地址：三少爷尖沙咀金巴利街7-11号地下（韩国街内）幸福指数：8/10 （抵食👍🏼）
继续阅读
今日睇完医生六点，如果返到屋企先食饭又要煮就成七点几，于是去试下呢间面店。铺头干净，骨子，仲有大电视睇。老板娘即刻比menu我睇，当然要食店里面最出名的三少爷虾面啦！再点左个炸虾饼先讲虾面，食得出个汤好重虾味，无味精，真材实料煲出来。好多𩠌，个腩片好入味，！不过本人觉得个汤仲差小小未到point🤔🤔 个面有90分！炸虾饼- 几好食，弹牙，一开四几细心个餐跟饮品，有维他奶饮阿！总括来讲都唔错，有诚意的小店，成街食韩国菜都可以做得住，努力！
继续阅读
上年12月见饮食男女介绍呢间小店，特别推介呢度汤头用料十足，于是期望甚高！加上当时湾仔某虾面店公告将会结束，更急于揾取替品以免日后冇好既虾面食，忍唔住用名店嘅食物质素来对比，结果一试失望⋯汤既色水似诚意爆灯，但入口只有淡淡既虾味，可能我饮惯名店既浓烈虾汤，饮完口中都满溢虾既鲜甜味，久久未散，但三少爷既呢一口本身属卖点既汤底，对比起来非常失色唔明点解Open rice咁多好评⋯另外我下午茶时段去，人客唔多但我落单起码等3个字先上菜，效率唔太高。念住虾面唔得再试下厨师推介既小店炸鸡肶，入口调味太咸，实在无瘾⋯埋单1人$150，$100食一碗唔合格既虾面，再加埋唔合格既小食，唔太值得，唔会再帮衬⋯
继续阅读