Cubus 28 (已易手) 新餐厅

櫻花蝦避風塘茄子茄子爽口唔會太腍, 面頭有一片薄脆粉, 食落茄子o既汁完全保留住, 外面香口入面多汁, 加上櫻花蝦提味。食落極之香口而唔會覺得熱氣油膩。海膽牛油果藜麥蟹肉沙律近年唔同餐廳都好流行用藜麥, 但本身個人覺得藜麥唔吸引, 主要係朋友想食先會點。但估唔到食落同想像中完全唔同, 牛油果同海膽o香味令到藜麥有濃香o既層次感, 加上蟹肉o既淡淡o既香氣, 食落好fresh, 作為頭盤份量適合, 始終藜麥好飽肚, 同朋友share一個岩岩好。阿拉斯加蟹肉南瓜羹南瓜羹香甜滑溜, 加埋大量鮮甜蟹肉, 食果陣一啖蟹肉一啖湯, 飲得出食材新鮮, 味道香濃。黑珍珠海膽炖燒賣海膽同燒異常配答, 燒賣彈牙, 豬肉香口, 配上海膽甘香鮮甜o既味道, 係我食過好食o既燒賣。竹碳甘筍汁黑毛豬咸水角甘筍o既甜味, 黑毛豬o既香味令到咸水角原有o既味道更加提升。賣相亦十分開胃吸引, 上菜後全枱人都拎起相機影影影。