顏府御膳 (已結業)

今次黎到銅鑼灣一間樓上中菜餐廳食晚飯。無諗到呢間店嘅環境舒適，裝潢高貴有格調，連中菜都係整得好精緻，確有特色。首先，青瓜海蜇頭嘅海蜇唔會係一條條個種，而係一大塊嘅海蜇，好有口感，而且調味可口清新，作為前菜確係唔錯。之後就黎個金沙脆豆腐，呢個豆腐做到外脆內軟，因為炸粉好成功地包住豆腐，就算用筷子夾佢，佢都唔會咁易夾散。食得中菜當然會有湯，呢個冬瓜清補涼荷葉煲唐排，燉湯黎講好高質，因為味道夠出。跟住主菜方面，農家乳香黑豚肉，香濃醬油去炒呢碟黑豚肉係好入味，而且有秋葵同蓮藕食落好健康，取得一個好好嘅平衡。XO醬干煸法國邊豆，食材主角雖然只有邊豆，但係整得好好，每件邊豆都係好入味。食咁多野當然要飲埋杯鐵觀音去幫助消膩啦。