顏府御膳 (已結業)

銅鑼灣呢間中菜，款式同味道好創新，有別於一般嘅點心小菜。「松露帶子餃」餃子舖上原片帶子，賣相精緻。帶子新鮮嫩滑「脆皮麻辣燒賣」外皮炸到脆卜卜，而且乾身唔油膩，啖啖麻辣香，唔食辣嘅朋友都覺得好味。「冬瓜清補涼荷葉煲唐排」原盅滾熱辣，出真材實料嘅老火湯，濃郁得嚟無味精。「陳皮沙薑生煎雞」店員將雞肉放在旁邊即時生煎，炸炸聲，熱辣辣，加上陳皮．沙薑爆香，雞肉鮮嫩唔鞋口。「川辣擔擔麵」足料擔擔麵，香濃麻醬味，帶點微辣更惹味。今餐有驚喜，非常滿足。下次會嚟試晚市菜式👍🏻