影片
更多
2019-05-26
1464 浏览
呢間餐廳係由4個對廚藝充滿熱誠嘅年輕人一齊開嘅。主打地中海菜式，將美國嘅肉類同埋沿海嘅海鮮，採用西班牙🇪🇸嘅烹調方式將菜式以半fushion形式展現。一入到餐廳門口就見到一個烘櫃，原來呢度係主打熟成牛扒。餐廳採用左西班牙入口烤爐Josper Grill，以100%封閉式炭烤方式黎烹調牛排。係廚師嘅推介下，我哋點左幾款唔同嘅菜式。Scallop salad ($198) 新鮮嘅沙律菜、車厘茄、青瓜同埋橄欖淋想泰式酸辣汁，酸酸甜甜幾開胃。當中仲加入左芝士粒同埋椰菜花泥，味道好豐富。三隻帶子都幾厚肉而且煎得啱啱好。Foie Gras ($188) 鵝肝煎得好香，外脆內軟，沾上溫泉蛋黃執嚟食，個配搭幾特別，除左令到味道豐富啲之外，食起上嚟亦冇咁油膩。Langustines 300g ($368) 我本身唔太鍾意食大大隻嘅龍蝦，因為覺得啲肉太厚實，口感一般，同埋冇咩鮮味。呢一款挪威海蜇蝦肉質十分鮮嫩，而且充滿着鮮甜味。經過炭爐燒過嘅龍蝦充滿着龍香嘅炭燒香味。Japanese Cod Fish ($280) 鱈魚好容易會overcooked，但呢一塊鱈魚煎得啱啱好，肉質保持鮮嫩。底下嘅tomato
係廚師嘅推介下，我哋點左幾款唔同嘅菜式。Scallop salad ($198) 新鮮嘅沙律菜、車厘茄、青瓜同埋橄欖淋想泰式酸辣汁，酸酸甜甜幾開胃。當中仲加入左芝士粒同埋椰菜花泥，味道好豐富。三隻帶子都幾厚肉而且煎得啱啱好。
Foie Gras ($188) 鵝肝煎得好香，外脆內軟，沾上溫泉蛋黃執嚟食，個配搭幾特別，除左令到味道豐富啲之外，食起上嚟亦冇咁油膩。
Langustines 300g ($368) 我本身唔太鍾意食大大隻嘅龍蝦，因為覺得啲肉太厚實，口感一般，同埋冇咩鮮味。呢一款挪威海蜇蝦肉質十分鮮嫩，而且充滿着鮮甜味。經過炭爐燒過嘅龍蝦充滿着龍香嘅炭燒香味。
Japanese Cod Fish ($280) 鱈魚好容易會overcooked，但呢一塊鱈魚煎得啱啱好，肉質保持鮮嫩。底下嘅tomato salsa同鱈魚味道幾夾。青口醬味道比較淡，個人覺得點小小鹽一齊食更加惹味。
主角 Striploin 30 days 250g ($445) 西冷牛扒嘅脂肪集中係個邊度，中間嘅肉就相對比較瘦，食落比較有咬勁。呢塊牛排大概係medium well。因為係用炭爐燒嘅方法去煮，所以炭燒味十分香濃。配上自製嘅sauce同海鹽一齊食，味道一流。
最後又點少得甜品。右邊嘅係Mocha Semifreddo ($68) Semifreddo嘅中文係冰糕，口感介乎於gelato同埋mouse之間，外型近似mouse，口感比gelato更軟滑。雖然個名叫Mocha，但廚師話其實裏面冇咩朱古力嘅成份，主要都係咖啡。如果喜歡濃郁咖啡味嘅，可以倒入expresso一齊食。左邊係Chocolate tiramisu ($78) 鋪面嘅係杏仁脆片。識落有啲似朱古力mouse，中間夾住一層用咖啡浸軟左嘅手指餅，口感似蛋糕。咖啡嘅苦味中和左朱古力嘅甜味，配搭得好好。
餐廳嘅座位唔多，位與位之間空間感十足，而且燈光幾有情調，好適合節日/紀念日慶祝。當晚除咗情侶之外，都有唔少係一家人嚟食飯嘅。
张贴
