Cafe Whale

营业中

休息中

呢一間小店的Burger真係用心炮製，淨係講個包就食得出廚師對煮食的誠意，因為連個包都好食的Burger店喺香港真係算少。9款Burger入面我揀咗芥末蛋黃醬吉列墨魚漢堡，而我個Friend就半揀咗竹炭吉列和牛孖芝漢堡，話說我地兩個本來唔係叫呢兩款Burger嘅，我個Friend原本想食手打騸牯牛漢堡，佢話因為出面比較少見，可惜當日的騸牯牛賣晒，所以佢改叫竹炭吉列和牛孖芝漢堡，而我本來係想叫魚市場直送嘅黑松露醬沙巴龍躉漢堡，不過睇完Menu就改咗做芥末蛋黃醬吉列墨魚漢堡，因為印象中好少見到墨魚Burger。店長仲好細心問得地要唔要切開方便Share，抵讚。呢個就係芥末蛋黃醬吉列墨魚漢堡嘅真身，其實講白D就係墨魚餅，不過佢個墨魚餅都幾足料，咬落去夠彈牙之餘仲食到有墨魚粗粒，口感非常好。呢個就係竹炭吉列和牛孖芝漢堡嘅真身，估唔到和牛做咗吉列之後變得無咁油，食落無咁滯，佢入面D配菜都幾新鮮，質素真係算高。