心之食堂 (裝修中)

今次收工同同事嚟到呢間人氣嘅樓上日式居酒屋 #心之食堂 食宵夜🥰 餐廳主打串燒、壽司、魚生同各樣特色小食，裝修充滿日式風格，幾有心思。-❤️🍳心之蛋卷($88)首先我哋即刻order左呢個人氣嘅玉子燒，每個都係即叫即做😍 玉子燒材料好豐富，有流心芝士、三文魚同蟹籽，加埋蕃茄醬同沙律醬，入口嫩滑，好好食，嚟到真係必食🤤-🔥火焰鐵板牛柳串($88)店員呈上牛柳串時燃起火焰，好eye catching 😍 牛柳串份量十足，幾惹味👌🏻-🌮邪惡包($78/2件)呢個邪惡包係全晚最鍾意嘅食物，將紫菜包住蔬菜、厚切既帶子及煎香既鵝肝，鮮甜嘅帶子配搭入口即溶嘅鵝肝，好食到不得了🤤🤤絕對想encore再encore😍-❤️🐟心之魚生飯($98)見到好多人都有叫呢個魚生飯，用心形砌成嘅魚生飯，賣相好靚，仲可以用來做生日蛋糕🤣 用上不同種類嘅魚生切成粒狀，非常豐富。-其他小食方面，我哋仲叫咗海膽蟹籽杯($78)、厚燒牛舌心($58)、汁燒白鱔($78)、鹽燒雞翼($50)及燒雞皮($38)，大部份食物都處理得唔錯，最鍾意係牛舌心同埋白鱔，牛舌肉味濃厚，入口爆汁勁Juicy🤤🤤 白鱔燒得外脆肉嫩，好香口好好味🤤-