Little Fresh Cafe & Bar (已結業)

約朋友旺角食飯傾偈，樓上 cafe 係不二之選，今次嚟到 Little Fresh Cafe & Bar，雖然地下入口隱蔽仲有啲污糟，不過上面景觀開揚，別有洞天。落完 order，食物好快就上枱，餐湯係雜菜湯，雖然淡口咗少少，不過麵包就好脆口好好食。主菜嘅芝士玫瑰汁海蝦燴意大利飯賣相幾靚，份量都算多，飯粒略嫌腍咗少少，唔係我最鍾意嘅口感，醬汁亦稍為偏甜，味道較似蕃茄汁。另一個主菜係香草慢煮雞胸配迷迭香莎莎，呢個我覺得相當唔錯，雞胸肉煮得 juicy 唔嚡口，香草味濃郁，伴碟嘅薯蓉都好食，入面有仲少少薯粒，夠咬口。