盤子工房 (建生商場) (已搬遷) 新店位置

住呢頭既老友諗住食呢間，佢專登叫我入黎揾佢食，咁真係試過先知呀。呢間一掉低架車，行過商場隔黎就係啦，星期日既早上係超多人，要等位。我要左全日早餐 All day breakfast $45熱狗腸，太陽蛋，雜果沙律，薯角及多士。賣相合哂我河車，我最中意木質盤上，排得整齊，超like。簡單既配料，但食得出餐廳係用心黎煮，熱狗腸味濃而口感彈牙，一般都好咸好乾，呢個正呢。太陽蛋煎得夠滑外，蛋汁濃郁，薯角就炸得非常脆口，令人越食越想食添呀。多士鬆軟脆口，加埋牛油就更加滑溜啦。餐飲我叫左是日特飲，杯野飲係芒果汁，好大杯同好夠味，唔會飲飲下溶左冰就淡哂，杯裡面仲加埋蘋果粒，令口感更加豐富，不過同all day味道都好夾。呢間小店估唔到都幾用心，而且價錢大眾外，可以一試。