蒸蒸日上倫哥私房菜 (已結業)

同事友人推介,$268任飲任食兼無限時,咁岩有人生日,咁就約埋一齊試下去食,尋晚6人一去到就已經自動波將野送晒D餸上檯,最正一定係個雞煲,因為我唔食辣,所以揀左BB辣,D汁真係超好味!再黎就係D海鮮同配料,海鮮就要指定先可以任食,肥牛每兩個人一碟,食完再加就要$38碟,汽水涼茶任飲,送左兩榨西瓜汁!海鮮>新鮮,美味肥牛>雪花肥牛,好正!配料丸類>手打丸類,每粒雲吞同韮菜餃都有蝦!火鍋底揀左加$30要龍蝦湯底,湯底裡面有落西瓜,南瓜,冬瓜,熬埋一齊鮮甜又清熱,龍蝦啖啖肉!呢度D服務態度都幾好架,定時定候有人幫手清走檯上的垃圾,落order即叫即有,唔會催幾次都唔黎,仲幫我地雪埋個生日蛋糕,幫手切埋同點蠟燭,呢D先至係顧客至上嘅態度!我地從1830食到2230,埋單連加一平均每人$307,呢個價錢食到咁好質素嘅野,超值!感覺到用心對顧客嘅服務質素與態度!