影片
港铁太子站 D 出口, 步行约2分钟
继续阅读
开饭介绍
艺人杜大伟开设的火锅店。鸡煲、火锅一应俱全。海鲜拼盘、刺身拼盘等食材新鲜而且份量十足。
继续阅读
营业时间
星期一至日
18:00 - 01:00
以上资料只供参考，请与餐厅确认详情
呢间伦哥其实系上年年尾食左～但一路都冇时间打食评真系超多野食～大约300$ 有鸡煲、大闸蟹（遇岩季节先有）、鲍鱼燘冬菇、椰子鸡汤、边炉料（多数任食，牛送一碟，特别海鲜就冇得添～）、甜品、饮品包括酸梅汤罐装饮品任饮～讲完以上既野相信大家都见到系有几咁多野食个鸡煲唔够仲可以添，放左鱿鱼同牛柏叶入去炒非常之惹味鲍鱼都好林好入味个鸡汤就好足料，好浓味～个鸡煲有专人帮你炒，食完之后就上个汤底打边炉啦～食完鸡煲都饱左一半跟住就开始打边炉，基本上每样海鲜食完一件之后都好饱亦都几新鲜～D丸都好好味，不过太饱都唔系好食得落～最后仲有个甜品，真系食到劲饱又抵食
继续阅读
见到伦哥做紧团购优惠，任食海鲜火锅套餐，6位只需$1298，即系围返每人$215但包超多野除左主角海鲜锅外仲有前菜、鸡煲、果盘、鲍鱼同甜品🤘太子呢间仲要做紧promotion送象拔蚌刺身！鸡煲：朋友唔舒服所以拣左唔辣，个酱汁好香浓，d鸡好嫩滑入晒味😋如果加辣应该更加惹味🤤象拔蚌刺身：份量好多，不过象拔蚌唔算好鲜，好淡味鲍鱼：虽然系鲍鱼仔但已经好满足，腍滑得嚟又炆得好入味海鲜锅：其实食完以上嘅野已经饱左一半。。。海鲜超级多，包括生蚝、海虾、带子、蛏子、大/细蚬、鱿鱼、鱼片，大部分都好新鲜，尤其大蚬超鲜甜🤝平价𠮶d可以无限refill，但其实食唔到好多，因为除左海鲜仲有好多其他火锅配料，包括手切牛颈脊、丸类、鱼/虾滑、水饺、响铃、大量蔬菜。。。个牛颈脊我地俾钱追加左因为好好食😋特别想赞下个汤底，开头夹左旧蕃茄嚟食心谂点解咁清甜一d蕃茄腥味都冇，原来系西瓜！夏季限定！估唔到生果都可以攞嚟做汤底，清甜得嚟又同d火锅配料几夹㖞衰鬼🤪总括嚟讲呢餐性价比超高，呢个价钱食到咁多款唔同菜式同配料，仲要系任食同好味嘅，强烈推介👍🏻👍🏻
继续阅读
Booking经whatsapp，好鬼方便。上一次系ssp食嘅，感觉良好但服务麻麻。所以今次试下系太子依间食。饮品系任饮，而且仲有一大壶五花茶，抵赞。啤酒就要另外俾钱冇得任饮。首先上鸡煲，侍应话系任食，所以我地未等齐人先食第一轮。拣左中辣，唔算好辣，不过好入味。之后齐人再叫第二轮鸡煲。食到一半鸡煲可以加埋牛柏叶，水鱿同猪肉一齐食。到完鸡煲，就上左每人一壶嘅炖汤，料有椰子、鸡脚同猪肉，好好味。之后仲有每人一只蒜蓉粉丝蒸蛏子，都几大只唔失礼，好新鲜。（我记得上次系ssp系鲍鱼，不过我钟意蛏子多ｄ）食完前菜，上左黑糖水晶粉俾我地清下喉咙～好清新，滑嘟嘟，黑糖味好出～之后就打边炉啦，我地加左$30一只嘅龙虾配汤底，唔加就系普遍蟹。好彩加左，因为只龙虾冇雪味，朋友们都食得出好新鲜。6人份量嘅牛肉，睇得出系靓部位，不过份量就真系唔够啰，如果要追加就要加$68，我地见好多其他野食就冇再追加。6人份量嘅海鲜盘，留意只有虾、翠肉鲩、细蚬、鱿鱼同龙趸可以追加外，其他如鲍鱼、贵纪蚌、大蚬、带子就冇就追加。海鲜全部都好正，系翠肉鲩我觉得麻麻。以下全部都可以追加，包括炸鱼皮、响铃、白鱼蛋、年糕鱼蛋、芝士鱼蛋、贡丸、韭菜饺、虾滑、墨鱼滑等等。坚好食又会令我一食再食嘅系韭菜饺同黑色嘅墨鱼滑。之后见到隔离台问佢拎乌冬，先知道有得叫。我地都叫左２包，好惊喜，因为系赞岐，并唔系普遍当当牌，而且系独立包装未开过。（上次我去ssp食都冇人俾我地)最后每人送一客甜品，系3.6牛奶燕窝蛋白，好味。由6点食到差不多9点就问我地加唔加野食，其实book台个时都问我地可唔可以9:30pm交台，我地食到3个钟真系饱到上心口，所以9点半交台都冇问题。星期六收费系每人$333连加一（要收现金！！！），侍应都算唔错，起码叫追加食品都唔会甩漏，上次系ssp追左好耐先有。我觉得太子分店比深水埗更好。
继续阅读
想试伦哥好耐了，经常听朋友讲好正！但伦哥一直都好 full booking, 今次有朋友做搅手乜都吾洗理最舒服，今次仲一行22人打边炉，分两枱，有自己房间！因为经已有朋友仔到了，所以一入到房就经已有一碟前菜在眼前！呢度个鸡煲可以任食，但一转左打边炉，就无得返转头食鸡煲，我地食左两次，佢每次比既份量都吾多，可能怕有人浪费，宁愿少少，少少甘比！好可惜席上有人怕太辣，只叫左中辣，对我来讲，一点辣味也没有！食完两转鸡煲后有跟人头份量既海鲜，好新鲜又大只！某部份既海鲜仲可以添！牛肉不能添，好味，好有质感﹠肉味！原本对Ｄ丸兴趣不太，但我喜欢贡丸，于是试一粒，超好味，肉﹠冬姑味都好重，于是就试多粒蟹子丸，都同样好好食，里面个蟹子好足料。呢个系可以 encore 既海鲜，就连大只既蚬都有得添，正！！
继续阅读
又系时候打边炉嘅日子，成班人约埋去咗（伦哥私房菜）近佐敦道地铁站交通十分方便，成班人最好就系拣任饮任食，埋单每人都系三百零蚊， 依家食火锅真系冇分天气及时候，总之喜欢就可以约埋一齐，够两个人就可以，饮吓食吓，好快放过了一个开心的晚上。打边炉之前一定会食鸡煲先， 我哋叫咗微辣，鸡好似少左些，鸡都好滑都好入味，好快手就食完。最有睇头就呢个海鲜拼盘，有圣子、海虾、龙趸片等每样都好新鲜。 伦哥私房菜都有好多间分店。
继续阅读