寿司造 (莊士敦道) (已結業)

呢一間好近灣仔地鐵站新開嘅壽司外賣店，由超過20年經驗嘅壽司師傅操刀，而且仲有平時好少見到嘅刺身壽司，例如藍鰭吞拿魚、島池魚、鰤魚等，仲有好多其他特色嘅卷物！前幾日我都特登買咗幾盒返屋企，首先見到佢呢盒鰻魚飯好吸引，有成兩大塊，食落口亦都好入味，醬汁調配得啱啱好！日本松葉蟹肉蟹膏卷，食落口蟹肉味好出，而且份量都幾多，出面好少見到蟹嘅卷物。三文魚飯卷好足料，入面嘅三文魚新鮮，飯粒正常，醋味都唔錯，而且最重要係啲飯唔會好多，唔會令到你覺得好滯好飽。三文魚盛盒，有多種唔同嘅三文魚壽司，個人最鍾意食佢嘅三文魚牛油果壽司，成日都覺得呢兩種食材配埋一齊好夾！