店舖細細哋只有十多個座位,但用心去裝飾,感覺優雅舒適！
食物款式同名稱好似幾有大餐廳嘅風範,試過先知
芒果蟹籽蟹肉沙律🥗
先來一個多種新鮮沙律菜、香甜芒果,加上脆卜卜蟹籽同蟹肉混合嘅沙律,顏色鮮艷、口感爽脆清新,份量吾少呀！
士多啤梨益力多奶昔🍹🍹
士多啤梨同益力多都幾夾,味道酸酸甜甜。
卡邦尼扁意粉🍝
cut開流心蛋,蛋醬慢慢流出,趁熱混和芝士粉同意粉,掛上醬汁嘅意粉順滑、煙韌有蛋香味。
慢煮加拿大豬鞍🥩
多過一個小時慢煮,再微煎嘅豬鞍肉腍多汁,加上美味醬汁,味道吾錯。
三層朱古力蛋糕🍰
餐後食埋個甜品,大滿足!
估唔到細小店舖一間,食物質素高,擺設有心思,真有驚喜
