影片
更多
2019-04-09
50 浏览
啱啱做完gym，好肚餓，忍唔住乜都點咗啲黎食！兩個人前後點咗八樣：一，邪惡包 ($38)中間有兩塊厚身嘅帶子夾住塊鵝肝，鵝肝烤得啱啱好，入口即融，配合埋帶子嘅鮮甜，有驚喜！二，汁燒白鱔 ($78)雖然份量唔算特別多，但睇賣相都知道呢串白鱔肉質肥美，亦都燒得啱啱好，食落口，口感鮮嫰，值得一試三，厚條鰻魚石鍋飯($118)網上睇到啲食評，好多人都有點，梗係試下上到枱，份量十足，真係成條鰻魚放面最抵讚嘅係個石鍋飯保溫效果，成鍋飯一直都keep住熱熱地四，厚燒牛舌心( $58)牛舌夠厚，唔係薄片，肉質亦唔會烤得太老，幾爽口五，李小龍卷 （$68）卷入面有炸蟹鉗、牛油果、青瓜、魚子醬同埋蟹子，味道幾清新六，心之火焰鐵板牛柳粒（$88）一上枱已經好震撼，店員一點，即刻有勁大團火出現，差啲影唔切，呢道菜夠特別，有綽頭！七，炸芋圓（$38）味道唔錯既一道甜品，滿足埋另一個胃八，青蛙王子（$58）上面係抹茶雪糕，下面係薄荷梳打，初初一兩啖覺得怪怪地，兩種截然不同嘅味道夾埋一齊，但飲多幾啖，係幾夾同幾好飲最後，食到個肚脹卜卜咁走，幾滿足
兩個人前後點咗八樣：
一，邪惡包 ($38)
中間有兩塊厚身嘅帶子夾住塊鵝肝，鵝肝烤得啱啱好，入口即融，配合埋帶子嘅鮮甜，有驚喜！
二，汁燒白鱔 ($78)
雖然份量唔算特別多，但睇賣相都知道呢串白鱔肉質肥美，亦都燒得啱啱好，食落口，口感鮮嫰，值得一試
三，厚條鰻魚石鍋飯($118)
網上睇到啲食評，好多人都有點，梗係試下
上到枱，份量十足，真係成條鰻魚放面
最抵讚嘅係個石鍋飯保溫效果，成鍋飯一直都keep住熱熱地
四，厚燒牛舌心( $58)
牛舌夠厚，唔係薄片，肉質亦唔會烤得太老，幾爽口
五，李小龍卷 （$68）
卷入面有炸蟹鉗、牛油果、青瓜、魚子醬同埋蟹子，味道幾清新
六，心之火焰鐵板牛柳粒（$88）
一上枱已經好震撼，店員一點，即刻有勁大團火出現，差啲影唔切，呢道菜夠特別，有綽頭！
七，炸芋圓（$38）
味道唔錯既一道甜品，滿足埋另一個胃
八，青蛙王子（$58）
上面係抹茶雪糕，下面係薄荷梳打，初初一兩啖覺得怪怪地，兩種截然不同嘅味道夾埋一齊，但飲多幾啖，係幾夾同幾好飲
最後，食到個肚脹卜卜咁走，幾滿足
张贴
