鮨心 (已搬遷) 新店位置

座落旺角區商業大廈之中，呢間鮨心日本餐廳質素相當之高。唔似其他餐廳流水式作業，而是用心而又精緻放待一事一物。壽司同卷物係必叫嘅食物。帶子非常厚身多肉，軟滑有肉感，而且味道清新鮮甜，質素上乘。而赤貝有著動人彈牙口感，證明用料絕對係經過精挑細選。鰻魚卷物份量都不少，經過蒲燒兼有著適量燒汁嘅鰻魚，肉質之細嫩程度無語倫比，而卷物中間有著青瓜及沙津菜作餡料，增加清新感覺之餘，亦可減低油膩之感。熱食方面同樣出色，明太子釀雞翼，手工絕不馬虎。雞翼經過油炸之後，賣相並不太油膩，外表炸得金黃色，非常吸引。而雞翼肉汁豐富，味道加添明太子嘅味道，非常之好食。最後有大蝦天婦羅，4大隻嘅大蝦賣相已經相當吸引，而且仲配備蘿蔔蓉、天婦羅汁同埋幼鹽，可見呢度貼心嘅程度。而味道方面，大蝦蝦肉彈牙，而且份量幾大，炸漿又夠輕盈，絕對睇得出師傅嘅手勢。