喜膳燒

营业中

休息中

返左成個星期工，星期五輕鬆下，就諗住同班朋友搵個地方吹下水，食下野，飲下酒，就黎到依間串燒店。依道食物種類好多，仲有好多海鮮揀tim，咁我地就當然試下佢地d招牌菜先馬來西亞大蜆，真係名符其實，每一隻都大大隻，冇落到好多調味料，所以食到佢既鮮味，爽口鮮甜之後就黎到美國珍寶生蠔，嘩，真係好好好大隻呀，仲大過一隻手掌，我地嗌左一人一隻，落少少檸檬汁，淡淡地又食到佢既新鮮，正！！因為我地太鐘意食蠔啦，所以就再嗌左芝士焗蠔，佢size當然冇岩岩個隻咁大，但都大大隻架，比起岩岩個隻，佢會比較惹味，因為落左好多配料去煮再黎就係扇貝，依道每樣海鮮都大份足料，抵食！食完一大輪海鮮，就試下其他燒物啦燒玉子，甜甜地，面頭有燒過，幾香脆，口感好好燒肥腸，真係太邪惡啦，佢燒到好香脆，中間帶有肥膏，好有咬口，送酒一流，而且佢清潔得好乾淨，唔會有蘇味估唔到依道會有鵝肝多士食，一人一件先！多士烤到好脆，面鵝盰油脂岩岩好，兩樣野好match!其他雞翼，雞肉串，雜菌，都唔錯，用黎慢慢送酒傾計就一流我地咁就係道傾左成晚計，下次可以再黎過