影片
更多
2022-06-21
23 浏览
今日同朋友喺佐敦食完飯 心思思想食甜品見到有呢間日系裝飾嘅甜品舖～裝修又幾靚喎 餐牌主打係窩夫同疏乎厘班㦸 二話不說決定試吓我哋揀咗榛子焙茶疏乎厘班㦸～有三層厚厚的疏乎厘 非常鬆軟 燶燶的蛋香味👍🏾 忌廉有香濃榛子味 伴碟嘅有焙茶啫喱同埋朱古力榛子脆脆 焙茶果凍好香茶味 估唔到焙茶同埋榛子都幾夾 另外我哋叫咗個香蕉海鹽焦糖窩夫～ 香脆鬆軟 面頭有新鮮切片嘅香蕉 烤得好香嘅核桃粒 仲有焦糖海鹽醬 當然唔少得香滑鮮忌廉 食得出用料好新鮮飲品方便我哋叫咗養生花茶～洋甘菊花果茶 一邊嘆茶一邊食甜品 人生一大樂事～呢度嘅甜品全部都即叫即做 擺盤好靚 用料新鮮 環境都好舒服 好適合同朋友傾偈 推介👍🏾
张贴
