影片
更多
2008-10-13
32 浏览
12-10-2008知道新馬鞍原址變了港式日本料理, 呢日一行 6 人訂定檯0黎試試. 一向對九龍城日本餐廳印象麻麻, 但原來呢間除0左刺身壽司之外, 其他0野幾好食, 都幾意外:- 池魚刺身: 店員推介, 相信係因為佢係 menu 上最高價位0個幾樣之一 -_-" 刺身算新鮮, 食落肉質帶爽, 但鮮味一般, 而且實在切得太厚了, 成舊磚咁叫人點食? 豉油無乜問題, wasabi 就「牙膏」到唔「牙膏」, 完全無味的. 唔掂!- 銀鱈魚西京燒: 只分了一小忽肉, 是否「西京」燒無從考究, 但魚肉嫩滑又富油香, 味道還好啦.- 屋企人劃了幾款壽司, 我就只試了吞拿魚及三文魚腩的... 三文魚算肥, 但無乜味道的, 吞拿魚仲肉質帶點霉, 難吃; 壽司飯 size 0岩0岩好, 握得樣樣衰衰, 又(竟然)無一夾即散, 但醋味近乎零. 完全唔及格!- 刺身拼盤: 咁多樣以赤貝最好食, 新鮮度不錯, 食落雖然唔算好爽, 但味道幾甜, 算不錯; 甜蝦 size 肥大, 食落算爽, 但欠鮮甜味, 令人失望; 吞拿魚同壽司0個 d 質素相若, 唔掂; 連食 10 次有 9 次都係肥美豐
知道新馬鞍原址變了港式日本料理, 呢日一行 6 人訂定檯0黎試試. 一向對九龍城日本餐廳印象麻麻, 但原來呢間除0左刺身壽司之外, 其他0野幾好食, 都幾意外:
- 池魚刺身: 店員推介, 相信係因為佢係 menu 上最高價位0個幾樣之一 -_-" 刺身算新鮮, 食落肉質帶爽, 但鮮味一般, 而且實在切得太厚了, 成舊磚咁叫人點食? 豉油無乜問題, wasabi 就「牙膏」到唔「牙膏」, 完全無味的. 唔掂!
- 銀鱈魚西京燒: 只分了一小忽肉, 是否「西京」燒無從考究, 但魚肉嫩滑又富油香, 味道還好啦.
- 屋企人劃了幾款壽司, 我就只試了吞拿魚及三文魚腩的... 三文魚算肥, 但無乜味道的, 吞拿魚仲肉質帶點霉, 難吃; 壽司飯 size 0岩0岩好, 握得樣樣衰衰, 又(竟然)無一夾即散, 但醋味近乎零. 完全唔及格!
- 刺身拼盤: 咁多樣以赤貝最好食, 新鮮度不錯, 食落雖然唔算好爽, 但味道幾甜, 算不錯; 甜蝦 size 肥大, 食落算爽, 但欠鮮甜味, 令人失望; 吞拿魚同壽司0個 d 質素相若, 唔掂; 連食 10 次有 9 次都係肥美豐潤的劍魚腩, 呢度的亦唔及格. 生吃的實在唔多掂!
- 清酒煮蜆: 「湯底」落了大量昆布, 酒香撲鼻, d 蜆唔算肥美, 但絕對鮮甜, 肉亦唔韌, 食完一隻又一隻!
- 土佐豆腐: 係炸過的豆腐淋上木魚絲及汁, 豆腐十分滑, 層皮雖然腍晒, 但仍然好香, 幾好食.
- 鰻魚豆腐天婦羅: 小平津 d friend? 不過呢度的其實唔係天婦羅, 啡色炸漿似足港式掃街小食0個隻, 叫「炸鰻魚豆腐卷」會比較貼切... 皮炸得好脆, 無油, 連紫菜都有香味的, 勁. 豆腐好滑, 鰻魚就唔及小平津的肥美, 不過整體我覺得呢個比上次0係小平津食到的仲好食, 值得試試.
- 鹽燒雞翼: 皮脆, 肉一般嫩, 而且實在太多鹽, 好鹹喎. @_@"
- 海膽炒飯: 原來係普通炒飯面頭放幾塊生吃的海膽, 安排不錯, 不過海膽甘而不甜, 嗒嗒0下仲帶點腥, 唉; 炒飯就幾乾身, 味道可以.
食到飽飽的, 飲啖茶消消滯, 但 d 疑似綠茶淡得很, 飲水一樣, 掃興.
環境港式又帶點街坊 feel, 加埋門口 d 閃燈, 都真係幾「娘」; 招呼就幾好, 幾位店員有求必應又有禮貌, 希望唔係新張先咁好吧.
埋單每人約 $140, 唔算好貴, 可以一試的 -- 只限熟食!
张贴
