影片
更多
2022-04-10
50 浏览
今日係佐敦附近行開，見到有間菜式幾特別嘅餐廳就被吸引咗去試一試。餐單上好多款嘢食都標榜純素同生酮，相信對於低碳飲食、健身、想瘦身嘅人士嚟講，絕對值得探訪！小食—素點心一上檯見到個蒸籠，覺得幾特別，打開發現原來內裏放咗幾件貌似炸雞塊嘅小吃。隨碟仲配上一盤四格醬料，分別有鹽同胡椒粉、沙律醬、燒烤醬、芥末醬，供客人自由調配唔同口味。友人第一啖食落並唔知道係純素，大讚好脆身香口，同連鎖快餐店出品口味雷同。當佢知道呢道小食係純素之後，表示素雞塊能做到呢個咁juicy又有雞味嘅效果真係相當驚艷，要大力推薦！素蟹餅沙律幾有份量嘅一碟沙律，底層鋪滿多款新鮮沙律菜，上面放咗兩塊素蟹餅配沙律醬。蟹餅食落完全唔似素食！！！咬落滿滿「蟹肉」，真係有一絲絲蟹嘅質感，又唔會鞋身。重點係咬落夠creamy同時帶種鹹鮮，外面炸得脆身唔會有油膩感，加上沙律醬食真係無得頂，值得一試！牛油果碳燒三文治用咗竹炭包，內層用上好簡單嘅材料，分別係牛油果、素雞同沙律菜，味道估唔到地驚艷，主要係個雞真係做到好嫩滑，淡淡豆香但唔會影響雞肉嘅質感，食完都唔會覺得好大負擔，絕對係瘦身人士之選。霸王黑松露奶醬意粉遠遠未上檯已經聞到超級香濃嘅
今日係佐敦附近行開，見到有間菜式幾特別嘅餐廳就被吸引咗去試一試。餐單上好多款嘢食都標榜純素同生酮，相信對於低碳飲食、健身、想瘦身嘅人士嚟講，絕對值得探訪！
小食—素點心
一上檯見到個蒸籠，覺得幾特別，打開發現原來內裏放咗幾件貌似炸雞塊嘅小吃。隨碟仲配上一盤四格醬料，分別有鹽同胡椒粉、沙律醬、燒烤醬、芥末醬，供客人自由調配唔同口味。友人第一啖食落並唔知道係純素，大讚好脆身香口，同連鎖快餐店出品口味雷同。當佢知道呢道小食係純素之後，表示素雞塊能做到呢個咁juicy又有雞味嘅效果真係相當驚艷，要大力推薦！
素蟹餅沙律
幾有份量嘅一碟沙律，底層鋪滿多款新鮮沙律菜，上面放咗兩塊素蟹餅配沙律醬。蟹餅食落完全唔似素食！！！咬落滿滿「蟹肉」，真係有一絲絲蟹嘅質感，又唔會鞋身。重點係咬落夠creamy同時帶種鹹鮮，外面炸得脆身唔會有油膩感，加上沙律醬食真係無得頂，值得一試！
牛油果碳燒三文治
用咗竹炭包，內層用上好簡單嘅材料，分別係牛油果、素雞同沙律菜，味道估唔到地驚艷，主要係個雞真係做到好嫩滑，淡淡豆香但唔會影響雞肉嘅質感，食完都唔會覺得好大負擔，絕對係瘦身人士之選。
霸王黑松露奶醬意粉
遠遠未上檯已經聞到超級香濃嘅黑松露味，肉眼可見每條意粉都沾滿醬汁，面頭仲有好多炒香嘅菇菌同埋適量黑松露醬，夠曬霸氣。食落氣味亦特別濃郁，但又唔會過鹹，原來餐廳選材係用上新鮮嘅義大利霸王菇，再混合植物奶醬同20個月嘅芝士去煮，難怪零舍香滑，充滿奶香，絕對會比到人一種幸福感。另外碟上仲附上一隻太陽蛋同沙律伴碟，大滿足！
甜品—懷舊奶油果沾餅
外貌睇落同西餅黃梅花籃幾相似，口味食落都真係好懷舊，禁不住令人懷念以前啲糕餅店。先係面層有超級酸甜嘅果醬凍，集合熱帶水果口味，食得出有類似桃、芒果、熱情果嘅味道。最外圈同成個蛋糕外圍都係輕盈但好滑嘅忌廉，中間夾層嘅蛋糕完全唔敷衍，非常重蛋香仲好濕潤綿密，整體好夾，值得一試之選！
最後飲品方面今次揀咗一杯香草咖啡，另一杯係店員推薦嘅生命之王特飲～前者好純滑，有種淡淡嘅雲呢拿甜味，而咖啡味唔算太濃郁但好香，面頭層泡沫都打得好綿密，絕對係女士之選。杯旁仲好貼心附上一件自家甜點，望落好似朱古力曲奇杯嘅小餅乾咁，食落滿滿南瓜籽，增添口感同香氣。
後者就咁睇名可能唔知係咩，聽咗介紹之後先知原來係由一種高山植物—沙棘為主體，呢種漿果本體好酸，但加上Tonic，同埋一啲清甜水果汁，酸酸甜甜又有氣，係一款非常醒腦提神，好清新嘅解渴飲品。沙棘口味好特別，但絕對唔會令人反感，重點係佢仲好有益，含多種豐富維生素，能護膚又護肝。未試過嘅都可以放膽一試，推薦！
张贴
