Espresso Alchemy

营业中

休息中

呢間cafe有落地玻璃，有透光感，給人悠閒舒適的感覺。最吸引我的係雞胸沙律，其肉質特別嫩，今次還發現有生酮甜品，好味且份量夠同友人分享。青醬雞胸沙律配檸檬醋醬 $89雞胸熱辣辣，帶好香的青醬味，有甜羅勒香，味道咸咸地，雞胸不但嫩滑無渣，仲好多肉汁夠濕潤，份量多好夠飽。沙律有幾款蔬菜，加左火箭菜，微甘苦帶香，仲有醃製蕃茄乾，味道更濃，還有黑橄欖，整個沙律味道好豐富，而且用檸檬醋醬，清爽開胃又岩夏日食。Earl Gray Chocolate （L) 跟餐$16朱古力味唔會好重，令茶味無左甘苦，朱古力同伯爵茶味平衡，也令朱古力減去甜膩感，味道幾好。生酮宇治抹茶忌廉卷 $61味道有驚喜，抹茶味濃郁，有茶甘也帶茶香，忌廉好香甜細滑，甜度唔太高，抹茶蛋卷濕潤鬆軟，入口即化，好好味，必食甜品。