正宗上海生煎皇 (已結業)

今日同朋友嚟到銅鑼灣嘅登龍街，呢度不嬲都出名多好嘢食，尤其是係上海野已經有好幾間，今次我哋嚟到新開嘅正宗上海生煎皇，啲食物都幾好食架首先我哋試咗一籠小籠包，郁都算幾多，湯就十足，皮亦都好薄，食落去覺得好好食。另外，我哋都叫咗糖醋排骨菜飯，糖醋骨煮得好香，菜飯都好好食。仲有當然少得四川擔擔麵，佢唔算話好辣，但係有一種麻味，都幾特別架。重頭戲就係佢哋嘅招牌生煎包,呢一個咁岩係新鮮出爐,煎得好香，的而且確好好食， 十分值得一試。