影片
更多
2020-09-29
1947 浏览
疫情啱啱緩和，咁啱媽媽差唔多生日，諗住搵間好食又坐得舒服嘅餐廳慶祝。今次就揀咗日本嘢好耐都冇食，係OpenRice度book位，咁岩又有第三個餐半價就揀咗依度。book位嗰陣，可以留返話想坐window seat，店員都會盡量安排。我哋比較早，去嘅時候未話好多人，但走嗰陣，都差唔多坐滿晒。去到餐廳，店員都好熱情咁招待，環境都好乾淨，空間都比較大，都適合同屋企人或者朋友嚟聚會。舖頭有充足嘅店員，唔會話要等好耐先serve到。餐廳午餐嘅選擇都好多，有熟食亦有新鮮魚生比客人選擇，今次就叫咗兩款 - 熊本黑毛和牛「和王」及特選火之本豚鍋御膳同埋極上壽司御膳。首先鍋御膳，份量都幾大，有兩款肉每樣3片，亦都會有個茶碗蒸，配一個迷你魚生飯，而湯底店員話係少少辣嘅魚湯，但食嗰陣其實冇乜辣味。而壽司御膳，唔好睇佢得12件壽司同個茶碗蒸加麵豉湯，好似好細份咁，食食下都夠飽，啲魚生每一件都好新鮮，海膽又夠甜，三文魚子粒粒都脹卜卜，好鮮味。但唔記得咗走Wasabi，唔食嘅下次記得同店員講返。仲有一樣值得講嘅，店員嘅態度都好好，見到飲晒啲茶就會好快幫你會refil，我哋咁啱坐喺風口位，店員好細心會搵塊細板幫你遮
今次就揀咗日本嘢好耐都冇食，係OpenRice度book位，咁岩又有第三個餐半價就揀咗依度。book位嗰陣，可以留返話想坐window seat，店員都會盡量安排。我哋比較早，去嘅時候未話好多人，但走嗰陣，都差唔多坐滿晒。
去到餐廳，店員都好熱情咁招待，環境都好乾淨，空間都比較大，都適合同屋企人或者朋友嚟聚會。舖頭有充足嘅店員，唔會話要等好耐先serve到。
餐廳午餐嘅選擇都好多，有熟食亦有新鮮魚生比客人選擇，今次就叫咗兩款 - 熊本黑毛和牛「和王」及特選火之本豚鍋御膳同埋極上壽司御膳。
首先鍋御膳，份量都幾大，有兩款肉每樣3片，亦都會有個茶碗蒸，配一個迷你魚生飯，而湯底店員話係少少辣嘅魚湯，但食嗰陣其實冇乜辣味。
而壽司御膳，唔好睇佢得12件壽司同個茶碗蒸加麵豉湯，好似好細份咁，食食下都夠飽，啲魚生每一件都好新鮮，海膽又夠甜，三文魚子粒粒都脹卜卜，好鮮味。但唔記得咗走Wasabi，唔食嘅下次記得同店員講返。
仲有一樣值得講嘅，店員嘅態度都好好，見到飲晒啲茶就會好快幫你會refil，我哋咁啱坐喺風口位，店員好細心會搵塊細板幫你遮住火鍋爐，等個鍋快啲滖起。
講真價錢係比較貴嘅，但係呢個環境望到個海，坐得又舒服，而家又冇得去旅行，同屋企人嚟一次半次，嘆下好嘢食，都OK 㗎。
张贴
