花木日本料理 (已結業)

生日飯諗咗好耐都唔知食咩，男友話要比個驚喜我，原來佢帶咗我去呢間好GRAND既花木日本料理食蟹宴！omg好開心！北海道鱈場蟹肉刺身蟹肉剛剛剥出黎，好鮮甜，肉厚有咬口，配上鮮甜帶子，不錯不錯冰鎮香醋松葉蟹凍冰冰的松葉蟹食落都幾爽口，d蟹肉一梳梳咁刮出黎好似刮極都刮唔完咁好興奮，蟹腳可以原條刮出黎仲要幾結實，點埋香醋食就更食得出蟹肉的鮮味海膽蟹膏甲羅燒呢個係我全晚最鍾意既一道，蟹殼個底係滿滿的蟹膏，加埋芝士係上面一齊燒熱，撈埋最上層的海膽同蟹籽食，果種震撼味蕾的感覺係前所未有！海蟹天婦羅包埋紫菜一齊燒既蟹肉算係幾有創意，令到d蟹肉唔會太寡海蟹茶碗蒸滑溜溜加埋大大舊蟹肉係面，仲要好熱辣辣tim！海蟹鍋物個湯好正，好甜海蟹箱押壽司壽司醋味都幾濃，但都食到蟹肉味道～總結呢餐，環境安靜怡人，食物水準高，好開心！