牡丹 (已結業)

辣椒女生日、一早已想來這試試、便決定當晚慶祝順便試食！原本打算簽咭拿積分、但想不到當晚剛好簽咭機壞了、實在唔好彩。因之前已看過食評、所以一早已決定食什麼、只是想點樣叫才最著數；最後決定了叫一個晚餐(包括八寶脆鴿)、煎活蝦配海鮮醬長通粉、紅炆紮肉魷魚煲及半支紅酒。麵包相信是自製的、唔算太出色、但都幾鬆軟。風乾火腿配蜜瓜 - 火腿實在細得可憐、蜜瓜還算幾甜。甘薯湯 - 味道雖然偏淡、但薯仔味很濃、而且可以飲出沒有味精、侍應見我們倆個人、還特意把湯分成二碗、實在感激。八寶脆鴿 - 細細隻、有點像八寶鴨的迷你版、一個人食都唔會太多、倆個人就也不會太少、可惜外皮唔算好脆、內餡味道幾好、可以一試。煎活蝦配海鮮醬長通粉 - 煎蝦彈牙爽口、帶有點點辣味、幾出色又新鮮；長通粉煮得唔會太熟、還帶有點煙韌的感覺、海鮮醬味道幾好、配合長通粉剛剛好。紅炆紮肉魷魚煲 - 今晚比較失望的一味菜、醬汁味道太濃、肉質明顯煮得過火、非常韌、魷魚就像橡筋一樣、差點咬唔入口、實在差得有點過份。半支紅酒(Cabernet Sauvignon) - 本來想帶支酒去飲、可惜要收100元開酒費、無奈下便叫半支飲飲，普通貨色、沒有什麼