火間土 (已結業)

五月真係多朋友生日，見呢間開咗咁耐都未去食過，今次就book咗呢間，話晒呢度都喺北京道咁啱話到個靚靚維港景，真係fit晒我哋班港女打卡啦，生日飯緊係要影靚相㗎啦！嚟到呢度環境都真係唔錯，d staff仲好貼心，安排咗個窗邊位比我哋，心諗正啦，但係望落塊玻璃都幾污糟，影相都唔係影得到好靚，哈哈，不過都多謝佢哋一番心意啦！食日本嘢緊係要叫海膽㗎啦，叫咗個海膽刺身，海膽都幾新鮮，側邊仲有啲紫菜可以俾我哋包住啲海膽嚟食，唔錯唔錯！另外仲叫咗啲燒物，個人覺得燒魚幾好味，配埋啲沙律醬食仲正！仲叫咗個刺物拼盤，帶子刺身切到好厚，好爽口，有咬口。三文魚都好味啊！雖然我哋胃口細細，但係都真係覺得份量比較少。