鏞鏞．藝嚐館

今年生日，男朋友問想食咩，食咗幾年西餐/Omakase，今年想轉下口味食返中菜。要求係：環境要靚、食物要有質素、但又唔想太舊式。
男朋友 book 咗 K11 MUSEA 呢間「鏞鏞」，完全 meet 晒我啲 requirement！兩個人叫咗幾樣嘢。招牌燒鵝係必點，一咬落去啲鵝油香爆出嚟，鵝肉又夠嫩，高水準；個中式牛柳粒牛肉好 😋，個汁酸酸甜甜好開胃。
最驚喜係個惹味避風塘茄子，估唔到茄子可以整到咁香口，蒜蓉同辣椒碎好惹味，但又唔會太油膩，我哋清晒成碟。
成餐飯食得好開心，服務都好好，想搵間環境同食物都兼顧到嘅中菜慶祝紀念日或者生日，呢間真心推介！