意味館 (已結業)

禮拜五老婆生日，夜晚近近哋喺屋企附近食餐好嘅呢間餐廳開咗無幾耐，之前食過幾次都唔錯，估唔到老闆知我老婆生日仲特登送上小小心意藍莓芝士蛋糕。餐廳假期都幾旺，閒日就坐得舒服啲。環境舒適又有心思，仲有啲情調，正!食物同服務都有質素，係物有所值嘅!今餐兩個人慶祝，唔食得咁多，食咗4款食物: 瑞士雞翼、蒜蓉煙肉焗青口、西冷牛扒、香茅豬扒拼虎蝦。- 忌廉湯: 好味!用鮮雜菌煮成，有酒店水準，正!- 蒜蓉煙肉焗青口: 幾彈口，味道幾好，唔錯!- 西冷牛扒: 係澳洲西冷，老婆好Like，鍾意佢肉味夠濃又唔韌，呢個價錢呢個質素，除咗呢度出面真係食唔到。- 香茅豬扒拼虎蝦: 豬扒質地好，香茅味又夠香，隻虎蝦都好甘香。之前聽過其他客話隻蝦細，其實我覺得ok，六七十蚊，超值啦！虎蝦成本咁高，老闆話遲啲可能要cut添。明白嘅，以佢哋嘅質素同水準，而家樣樣成本都咁高，以佢哋啲售價真係好難做，唯有食多幾次用行動嚟支持!- 瑞士雞翼: 呢個菜係上得慢啲, 不過因為要生浸，無所謂啦!食好嘢等一陣ok嘅!- 特別推介餐廳嘅小小心意~藍莓芝士蛋糕: 好味!香，個樣又靚，個味又得!食咗咁多嘢都係二百蚊鬆啲，又無加一，所以就算