至尊滿屋日本料理 (已結業)

朋友生日梗係要食返餐好慶祝下喇！之前試過滿屋其他分店嘅放題，瓊華呢一間就第一次！但同其他分店相似...除咗有個飲品櫃自助，仲有個甜品櫃！有唔同類型嘅蛋糕仔任揀...食甜品之前，第一轉梗係揀刺身同壽做主菜先喇！基本上，大部份既刺身都點咗啲黎試 ！特別中意蝦刺身同劍魚腩！前者好鮮甜，特別係蝦頭位置好多蝦膏！後者則比較少係放題有得任食，當然要食d ！炸物方面，有個類似炸饅頭嘅包！出奇地好食，最特別就係佢中間係有吉士餡，感覺就好似食緊一個外脆内軟嘅奶皇包 。食嗰時記得要點埋煉奶食 ，仲正！燒物我覺得佢比較普遍既少油，特別係烤冬菇！竟然少少油都冇好乾身，非常健康 食到尾仲有得一人一杯movenpick雪糕 ！我揀咗最愛嘅朱古力味，啖啖都有朱古力碎好濃郁，食完飽晒好完滿嘅一餐