豚道樂 (百合苑商場) (已結業)

今天老公生日，突然想食拉麵，就決定食拉麵慶祝。近近地係紅磡區搵搵下，搵到呢間。坐位以吧枱為主，都幾有風味。食店選擇不算多，我覺得不要緊，最重要係每碗都用心製作，及可選麵的軟硬。我見到日本芥末湯麵，咁特別，就決定一試。老公就點了期間限定的海鮮蕃茄拉麵。芥末湯底原來都係不要亂試，要頂到攻鼻的辛味先好叫，仲要係食得斯文，因為我一不小心一口大力嘟入口中，芥末的味吸入氣管，咳咗一陣。雖然係咁，但湯底真夠味。而老公嗰碗湯底都有海鮮味。但老公就不喜歡海鮮加蕃茄，因搶了味。海鮮以蜆為主，有兩隻蟹鉗不過不失。不過我們叫了支綠茶可樂，好似幾得意，不過就無咩綠茶味，似檸檬味汽水。下次食返傳統豚肉湯底應該精彩些。