大瀛喜日本料理 (已結業)

朋友生日食放題，問咗多人嘅意見選擇咗呢一間係朗豪坊對面嘅放題大瀛喜！見到餐牌有海膽手卷，細細件唔會質飽我，質素普普通通，只可說有得揀好過冇得揀。Q版心太軟唔知點解冇出現係甜品一欄，甜甜地燒過，味道都OK。蟹柳壽司、燒三文魚壽司、芝士蝦壽司算係比較出色嘅私家壽司，佢好味係蟹柳壽司甜酸個味調得好掂。泰式酸辣鳳爪原來係前菜，小小辣連啲軟骨都可以食，酸酸地幾開胃。三文魚、甜蝦、象拔蚌、玉子刺身，最值得一讚嘅係冇多冇少，剛剛好。特別係甜蝦真係夠晒甜，大部份都好新鮮除咗個頭比較黑的一隻之外。 三文魚位置一般不過口感都可以嘅，象拔蚌就夠爽口，玉子夾起來不會散所以評價不錯。牛油粟米杯有少少黑色，整得幾好味，本身選擇粟米比較甜，牛油味都香，好爽口。意式忌廉煮藍青口只有三粒，越細嘅份量可以令人食越多嘅食物，香港幾少放題做到咁，啲人可能覺得咁樣好小家，但係我又覺得唔浪費食物先係最好。忌廉好香，藍青口都爽，唔老。蟹粥入面有一隻蟹腳，入面啲蟹肉勁鉗，個粥入面有少少薑，鹹鹹地又甜甜地都幾健康。呢個午餐生日返每位加埋一$196，都係Lunch抵食d既。