鳥海山鐵板燒 (已搬遷) 新店位置

每年生日老公都問我想要啲咩禮物，生日禮物就唔使啦，準備個生日大餐俾我仲好啦😌今年佢就揀咗間鐵板燒嘅餐廳同我慶祝生日，餐廳地點雖然同地鐵站都有一段距離，但係都唔難搵，而且鋪面好鮮明，一眼就見到店員好Nice，一坐低就即刻送上熱茶，仲同我哋介紹餐廳最新嘅特大海虎蝦鐵板燒套餐，我同老公都好有興趣前菜沙律好冰凍，而且菜好新鮮爽脆，配上酸甜嘅日式沙律汁真係好開胃四點刺身都係魚類，店員好細心咁介紹食嘅次序。首先有魚味最淡嘅赤小鯛開始，加咗啲酸甜嘅柚子啫喱提升咗鯛魚既清甜其次係平政魚刺身，口感比第一款鯛魚結實，入口有油脂感但唔算太重，加咗啲柚子胡椒中和咗少許油膩感，而且魚既鮮甜味比第一款更出第三款係大家都熟悉嘅池魚，入口質感爽脆，而且又油脂含量多，每嚼一口都有魚油既香味同質感帶出，上面加咗啲三升漬做調味，同魚類刺身簡直係絕配，四款魚入面我最鍾意呢款🤩最後一款亦都係魚味最濃郁既盧魚，肉質柔軟，配上酸酸甜甜既蛋黃醬，係好好既配搭清酒煮蜆一上枱就有種清酒既同海鮮既清甜味，店員細心提醒我地清酒煮蜆嘅湯都可以飲，蜆既個頭唔細，而且份量都好多，味道真係好清甜，有種飲緊蜆精嘅感覺鮑魚口感彈牙，調味亦剛剛好冇掩蓋到