萬發海鮮菜館 (已結業)

是日泊好車之後，看見門口師傳將一條龍Dun劏開一件件，各飯友見到都想試一試，雖然看後有點覺得殘忍，但如果條魚劏左，新鮮唔食，放到乾哂，可能仲殘忍，於是立即點了魚鰭用果皮蒸，魚背肉炒球。魚尾同頭腩好像已有人預定了！果皮蒸魚鰭 - 因為條魚夠大條，魚鰭骨與骨之間的肉也好有份量，肉滑之餘，最特別的係D皮，D皮D膠質好豐富，直頭Jel 口到好似食花膠的感覺。用了清蒸唔用蚊，最主要條魚真係新鮮劏，所以不用好濃味的醬汁小小陳皮及蔥絲已經好有鮮味，喜歡吃魚的朋友，一定會喜歡。西芹炒球 - 魚肉用了魚背肉，肉身好實淨，師傳的火喉又炒得剛剛好，不太油，呢味餸簡直係老少咸宜，魚肉有營養，又無骨，西芹又夠哂健康，加上少油快炒，故很直得推介。是晚再加多了木耳炒勝瓜，蒜茸炒菜心及石頭飯。