影片
更多
2021-01-07
278 浏览
前排黃金周去咗呢間bookmark咗好耐既上環小店試下佢嘅招牌麻糬pancake，去到要排隊等位，室內座位比較逼，另外仲有少量室外座位，因為無人揀，所以我地好快就可以入座坐室外，室外仲有好特別既graffiti，想知係咩就要親身嚟欣賞吓喇。 24小時浸煮鮮豚肉角煮慢煮蛋殼米茶漬飯呢度除咗招牌pancake仲有啲主菜同咸食可以選擇，呢個茶漬飯，茶係分開用樽裝住保溫，飯嘅面頭鋪滿豚肉仲配埋溫泉蛋可以撈勻嚟食，所謂既豚肉角煮其實比較偏向五花肉，望落脂肪比例幾高，不過配埋茶漬飯一齊食，竟然feel唔到油膩感，但肉質都幾柔軟，整體帶醬油既鹹甜味，唔覺唔覺就KO晒成個飯。 招牌燒海鹽忌廉麻糬班戟北海道牛奶雪糕及水果（伯爵茶味）嚟到呢度一定要留肚食佢嘅招牌麻糬pancake，我哋叫咗伯爵茶味，pancake鬆軟帶淡淡茶香，食到咁上下就會食到入面既麻糬，pancake上面淋上海鹽忌廉令到個cream食落唔會太甜而且帶點海鹽鹹香，幾得意。另外仲有唔少生果同cereal作為配料，同pancake一齊食口感豐富，d配料點埋海鹽忌廉食原來都幾夾。 黑芝麻可可奶昔、皇室伯爵鮮果茶小編同友人一人
24小時浸煮鮮豚肉角煮慢煮蛋殼米茶漬飯
呢度除咗招牌pancake仲有啲主菜同咸食可以選擇，呢個茶漬飯，茶係分開用樽裝住保溫，飯嘅面頭鋪滿豚肉仲配埋溫泉蛋可以撈勻嚟食，所謂既豚肉角煮其實比較偏向五花肉，望落脂肪比例幾高，不過配埋茶漬飯一齊食，竟然feel唔到油膩感，但肉質都幾柔軟，整體帶醬油既鹹甜味，唔覺唔覺就KO晒成個飯。
招牌燒海鹽忌廉麻糬班戟北海道牛奶雪糕及水果（伯爵茶味）
嚟到呢度一定要留肚食佢嘅招牌麻糬pancake，我哋叫咗伯爵茶味，pancake鬆軟帶淡淡茶香，食到咁上下就會食到入面既麻糬，pancake上面淋上海鹽忌廉令到個cream食落唔會太甜而且帶點海鹽鹹香，幾得意。另外仲有唔少生果同cereal作為配料，同pancake一齊食口感豐富，d配料點埋海鹽忌廉食原來都幾夾。
黑芝麻可可奶昔、皇室伯爵鮮果茶
小編同友人一人叫咗一杯飲品，小編就飲咗黑芝麻可可奶昔，飲品用咗不鏽鋼飲管，好環保，奶昔既質感同平時好杰、好膩而且好死甜既奶昔唔同，佢係比較流質，可可味唔算好濃但味道比較天然，配埋粒粒黑芝麻，黑芝麻味頗出，兩種味道夾埋特別得嚟都幾好飲。
人均消費：$160
推介指數（10分為滿分）：9分
张贴
