蜜密 (已結業)

之前一路有留意係元朗嘅蜜密，但位置真係太遠，所以一路都未去。知道分店係大埔開左，決定要試一試。一睇menu, 見到呢個朱古力焦糖杏仁伯菲($56)咁靚，就二話不說要order黎試下，話哂我地呢啲都係相機食先📷，賣相好緊要haha.Parfait 一送上枱質地似雪糕，店員話為左比大家影靚相，所以做到佢無咁易溶👍真係好貼心！放耐左，parfait質地就變左似mousse, 如果鐘意食雪糕質地就要食快啲了。Parfait入面有好多焦糖杏仁脆脆，朋友仲話食到有鳥結糖！成個parfait都好正！另一亮點係上面塊脆餅!!非常香口，配埋parfait一齊食無得頂。呢個甜品適合女仔食多啲，因為焦糖味普遍都係甜啲嘅甜品，我同朋友兩個女仔食得一樂也！