貴族甜品 (元州街)

我今次買左甜品放題團購，所以一試，食啲之前未食過嘅甜品。

第一個食薑汁芝麻湯圓，只係普通湯圓，冇乜特別。皮薄，都幾好食。

鍾意食湯圓嘅朋友，放題可以叫多兩碗。

第二個朱古力心太軟配雪糕。

跟兩個雪糕球

呢個都ok，配兩個雪糕，但心太軟我覺得有啲細，因為正價都要$48架。不過亦有可能係團購放題所以細啲啦。

第三樣甜品係紅豆相思

呢個我搞左兩下先記得影相。
材料都幾豐富下，粉圓同芋圓好有咬感，
我覺得呢個幾好食。

最後，第四碗，芒果河粉撈。我已經飽喇，食唔落

賣相出奇地難睇，有啲後悔叫左佢，因為真係難食

呢個真係有點兒失望，因為自己本身都鍾意食芒果嘅，但真係好難食。啲白色河粉好甜，個底係芒果冰底真係唔合襯，如果係芒果西米的話應該會好多。

最後講下嗰度啲服務。
話差又唔係嘅，因為得一個姐姐喺度，客又多。
有時想揾姐姐落單，佢又失左踪，一係佢就收緊錢，真係做唔切，因為見在場好多都食團購放題，最少都十二、三個客，一個人真係做死！
姐姐都好友善，一見到我揮手都會過黎幫我落單。
不過出甜品速度真係非常慢，整嘅起碼都十分鐘，我諗都係因為團購嘅關係啦。

總括黎講都ok嘅，未係最差嘅。
之後嘅日子都會幫襯。