老實講，個招牌我load左陣先load到係ocio😂好藝術
今日一行4人，係OpenRice book左，唔洗等，不過要齊人先入得。座位唔多，我地用餐期間都keep住坐滿。
點左兩個餐（豬肋骨配薯條，魷魚墨汁意粉）、蜜糖雞翼、伯爵茶pancake
魷魚比較韌，雖然未至於咬唔開，不過有少少overcooked，可以做好啲。墨汁意粉不過不失，要注意既係同曖昧對象黎就唔好點呢個喇，個咀同牙黑蚊蚊就唔好睇啦。今次同幾個老友，大家個咁黑哂都唔緊要😹
雞翼冇令人失望，好好食。但係5隻入面我食果隻有少少生☹️，雖然好好味但中間生生地果啲冇食到。
豬肋骨係偏乾，都係有啲overcooked
但係配菜既薯條就超好味！可惜份量有啲少，4個人每人幾條就冇。
最後最最最好食既係甜品！伯爵茶香又唔會太死甜，啲醬熱辣辣再加雪糕，冰火感覺好好味
呢個甜品4個人分，咋一聲就食哂。
總結：呢到小食同甜品都超水準滿分，可惜主餐就麻麻地。重申：主餐係差少少不過都唔係難食，可接受。不過要黎食既話就食小食同甜品啦！
