宏 (已搬遷) 新店位置

喺the one行行下街， 就被宏嘅甜品櫃吸引住 ，咩都唔諗就決定食呢間啦。主菜都已經有好多種類揀， 因為我好鍾意食鰻魚，就叫咗個大鰻魚飯套餐。 個餐有兩條大鰻魚，海藻烏冬，再加個蛋捲。 絕對係一個自我放棄嘅增肥餐。 鰻魚飯太好味嘅關係我極速已經ko咗 。海藻烏冬我覺得有啲似我哋平時食開嘅蕎麥麵。 個蛋捲就真係值得一讚，我叫咗抹茶味 ，自己本身唔係話太鍾意抹茶，但係佢呢個真係整得好好食， 抹茶控一定唔可以錯過。我覺得我呢個餐都已經好過份，但男朋友叫另外一個餐仲過份， 佢個餐有三碗飯，鰻魚飯，吞拿魚生飯， 海藻烏冬，仲要加多個沙律 。又係一個肥仔餐。最過分嘅係我哋食完個餐， 都仲要忍唔住叫咗甜品。 因為本身我入嚟呢間係諗住食甜品， 鮮雜果窩夫真係好好食，焗得好香脆，再配埋雪糕忌廉， 真係飽到嘔都要將佢食曬。