今次我同呀囡就分別點咗兩個套餐+甜品🥞
宜家下午茶餐做緊買三送一優惠
如果下次同埋朋友一齊嚟食會更抵食🤭
🌟煙三文魚牛油果🥑炒蛋牛角包窩夫伴沙律
賣相吸引，份量十足，沙律菜牛油果夠新鮮
重點係個炒蛋牛角包窩夫，內𥚃夾住三煙三文魚
層次豐富又酥脆，多重味蕾享受😋
🌟香煎比目魚配墨魚汁意大利飯
比目魚一向係我哋至愛，魚身煎至金黃色，肉質夠鮮滑，火喉掌握恰到好處！配搭墨魚汁味道感覺很特別！意大利飯夠creamy又唔會太硬身，呢個值得推薦👍
🌟青提蜜瓜雪糕芭菲
炎炎夏日食返杯雪糕芭菲透心涼😋層次感非常重，一層青提一層穀物；一層厚厚鮮忌廉一層蜜瓜🍈再加埋香滑雲呢拿雪糕球，口感夠哂豐富！
🌟杜拜朱古力疏乎厘🥞
呢個pancake 賣相及味道一流😋
餐廳選用比利時朱古力，成碟有朱古力醬、朱古力碎、朱古力cream、鮮士多啤梨同曲奇碎，非常豐富！「招牌pancake」夠鬆軟又有蛋香味，製作認真又有唔同口味選擇，份量兩個人share就啱啱好！
🌟蜜糖四花茶
吃完甜品飲杯花茶就最好不過🤭個人很喜歡飲花茶，呢杯四花茶含有濃濃花香味，味道唔錯！
🌟山茶花桂花椰子水
山茶花桂花飲品都係第一次嘗試，配上椰子水成件事十分消暑，夏天飲就當然一流！不過個人覺得有點偏甜！
