簡.聚 (已搬遷) 新店位置

~ 日之雪花$58🦪~銀堡壘$48咁岩鋪頭做緊生蠔買5送1就叫咗黎試下🤑。岩岩好每人分到三舊🤓，大大隻咁夠哂肥美😙。個人鍾意日之雪花多d😌，食落去比較鮮甜😝，而且海水味冇咁濃🌊。因為食完個蠔都唔算太肚餓所以就叫咗一個餐同小食share 🤓。~ 香煎鵝肝法式多士$68🍞鵝肝食落去好香同軟綿😚，配埋多士啱啱好，仲有啲黑醋沙律解濟👍🏻。~ 加拿大豬鞍扒配日式帶子$268🐷帶子食落去幾鮮甜😌，豬鞍扒都唔會太鞋身😗，瘦肥都有d咁😛。~ 法式雜果夏洛特$58🧁有唔同雜莓喺上面🍓，原先以為外皮會係硬好似撻咁樣🤔，點知原來係蛋糕黎😮。中間好軟滑有少少似蛋嘅質地？🧐酸酸咁幾開胃😗。~ 熱情果特飲$22🍹~ 蜜桃紅茶$22熱情果味道會比蜜桃紅茶較突出😝，酸酸甜甜咁而且有氣😗。不過兩款都好清新🍀，幾適合夏天飲🤓。