宏 (已搬遷) 新店位置

當時我等老婆接佢走之制，橫惦都係等不如search下尖沙咀有咩甜品食啦,之後search到【宏】佢地既關門時間係11pm，而我到達店既時間係10pm。一入到門口，有個侍應已經用非常差既語氣話: 而家得返甜品食咋喎！咁我都係黎食甜品者，佢帶到我去個位後，又講左句: 我地十點九收舖！個下即係心諗: 咁唔想就咪叫我地入黎啦，直頭話已過last order咪得囉！好啦，叫甜品先，我就想叫抹茶雪芳蛋糕，點知原來有最低消費，係我唔記得左，但侍應既樣係好厭惡，我又唔係食一件蛋糕坐成日果Ｄ人，又不斷催促我落其他甜品啦⋯之後我叫左個抹茶雪糕巴菲杯，淨係個賣相都尚可。抹茶雪糕偏苦，正合我意，但係其他配料都有一定甜度，所以完全中和番。但到最後態度差既舖頭我一定以後唔會再入去。