何蘭正

营业中

休息中

去東歐餐廳食完午飯未滿足，行過少少嚟何蘭正食甜品。餐廳裝修好有特色，空間好大，坐得舒服。店員態度友善親切，會主動介紹菜式，服務態度超班， 100分滿分有1000分👍四個人叫咗兩個甜品一齊食。泡芙個顏色有啲奇怪，但係味道好好，餡料幼滑甜香，puff皮鬆脆。一開始覺得價錢偏貴，但呢個味道都值呢個價。不過一個人食全份兩個會太膩，最好同人share。窩夫用咗少少類似麻薯嘅餡料整，食落脆之餘煙煙韌韌，而且配我非常鍾意嘅花生醬，好有奶醬多嘅感覺，好食。雪糕臨時轉咗做柚子雪葩，味道清新。總括嚟講呢餐下午茶甜品比我預期中好食，有機會會再嚟。