金源小館 (已結業)

金源一直都覺得佢湯同甜品係好味價錢又抵，今次同2個朋友加男人，一行4人（2男2女）去再食金源。因為每次我地去都要訂位再加企門口成半個鐘先有得食，所以今次都訂定位，可能因為星期一關係，去到可以即時入去食野勁開心。而這間酒水不用加錢，所以佢地3個人3支紅酒係度飲.....今次我地叫左一個湯，4個小菜同4個雪糕。最後食到超飽離開每人都係百三蚊，堅抵。湯今次沒冇平時咁濃，但幸好還有一點點的藥材味，而魚同豬骨都好夠份量，一個大約可以5碗。筍壳魚係每枱必叫的小菜，份量夠，炸得香口但肉嫩滑。加上䓤就更好味，4個人係食吾晒。黑椒牛仔骨係最失望的小菜，梳打粉太多，冇晒口感，但汁同配菜都好味，最後半碟係冇人食。椒鹽白飯魚炸得香口，但吾油，份量好多。如果醋再酸就更好。送紅酒一流。蒜頭瑤柱莧菜只作普通，但煮得太淋。雪糕係自制的，竟然有果肉係絕對驚喜，咖啡味濃，但酒就偏淡，但以＄14黎講係超值。最後我地食左3個鐘冇比人趕，待應仲好好不停睇我地有冇需要，抵讚。係一間會再黎的小廚。