影片
更多
2018-09-15
82 浏览
近排去尖沙咀真係去得好密，今日放學之後又約咗喺尖沙咀做facial，一於就約朋友喺附近食咗野先再去做。朋友成日喺尖沙咀覓食，今次佢就推薦咗宏，因為佢之前有食過覺得唔錯。本身以為宏係主打甜品，主食應該冇咩選擇，點知佢既主食係有好多唔同既選擇，呢啲時候又有選擇困難症了，幾經辛苦終於揀到一人一個套餐。我揀咗雜綿天婦羅飯套餐，天婦羅有蝦、山葵、蕃薯、茄子，一啲都唔厚粉，仲要炸得好酥脆，加埋天婦羅汁就感覺冇咁油膩，我平時唔好山葵，但呢度既山葵天婦羅幾爽脆幾好味。跟餐仲有沙津、海藻烏冬、蛋卷同飲品，夠晒抵食。海藻烏冬都真係第一次食，麵質幾爽滑，湯底就清清地咁，我同朋友都幾中意。朋友選擇咗大鰻魚飯套餐，我平時就比較少食鰻魚，因為曾經食過好腥既鰻魚，從此對食鰻魚就有陰影😂，但因為朋友上次食過呢度既白鰻魚覺得唔錯，同我保證一啲都唔腥，我就試咗啖，又真係ok喎，鰻魚幾嫩滑！跟餐有飲品，我地就加咗錢轉沙冰，滴漏咖啡沙冰&宇治抹茶沙冰。滴漏咖啡沙冰既味道頗濃，但宇治抹茶沙冰既味道就較淡。跟餐仲有小蛋卷一件，我地揀咗香草同埋抹茶味，幾鬆軟，唔錯。只有蛋卷又點夠呢，我同朋友另外再一人叫咗一款甜品，分別係抹茶軟雪糕
近排去尖沙咀真係去得好密，今日放學之後又約咗喺尖沙咀做facial，一於就約朋友喺附近食咗野先再去做。朋友成日喺尖沙咀覓食，今次佢就推薦咗宏，因為佢之前有食過覺得唔錯。
本身以為宏係主打甜品，主食應該冇咩選擇，點知佢既主食係有好多唔同既選擇，呢啲時候又有選擇困難症了，幾經辛苦終於揀到一人一個套餐。
我揀咗雜綿天婦羅飯套餐，天婦羅有蝦、山葵、蕃薯、茄子，一啲都唔厚粉，仲要炸得好酥脆，加埋天婦羅汁就感覺冇咁油膩，我平時唔好山葵，但呢度既山葵天婦羅幾爽脆幾好味。跟餐仲有沙津、海藻烏冬、蛋卷同飲品，夠晒抵食。海藻烏冬都真係第一次食，麵質幾爽滑，湯底就清清地咁，我同朋友都幾中意。
朋友選擇咗大鰻魚飯套餐，我平時就比較少食鰻魚，因為曾經食過好腥既鰻魚，從此對食鰻魚就有陰影😂，但因為朋友上次食過呢度既白鰻魚覺得唔錯，同我保證一啲都唔腥，我就試咗啖，又真係ok喎，鰻魚幾嫩滑！
跟餐有飲品，我地就加咗錢轉沙冰，滴漏咖啡沙冰&宇治抹茶沙冰。滴漏咖啡沙冰既味道頗濃，但宇治抹茶沙冰既味道就較淡。
跟餐仲有小蛋卷一件，我地揀咗香草同埋抹茶味，幾鬆軟，唔錯。
只有蛋卷又點夠呢，我同朋友另外再一人叫咗一款甜品，分別係抹茶軟雪糕芭菲&焦糖布甸芭菲，兩者者非常足料，前者伴有抹茶啫喱、紅豆、白玉等，令口感豐富咗不少，而且軟雪糕亦唔會太甜或者太澀；後者朋友亦覺得唔錯，不過因為側邊既碎碎有玉桂味，就唔係咁岩我口味😢。下次喺尖沙咀諗唔到有咩食個陣，就可以encore再食宏！
张贴
