nana's green tea

营业中

休息中

呢間餐廳嘅甜品、主食同飲品都唔錯，整體感覺令人滿意。我哋叫咗兩款烏冬都各有特色。柚子胡椒豚肉烏冬選用日本豚肉，肉質鮮嫩，配搭柚子胡椒嘅清新辛辣，味道層次豐富，烏冬口感彈牙，湯底亦都恰到好處，唔會太鹹或太淡。至於海老蕃茄豆乳烏冬，蕃茄湯底濃郁而帶有豆乳嘅香滑，加上鮮甜嘅海老，味道和諧，撈烏冬多醬汁不自覺食咗好多🥴飲品方面，凍抹茶牛奶抹茶味濃郁，牛奶香滑；熱焙茶牛奶焦糖忌廉，焦糖忌廉為飲品增加甜味。甜品方面，兩款芭菲都好大杯。抹茶蕨餅芭菲嘅蕨餅口感煙韌，抹茶味香濃，配搭其他配料，口感豐富；焙茶白玉芭菲嘅白玉軟糯，焙茶味醇厚，整體味道平衡得好好。