至尊滿屋日本料理 (已結業)

今日又喺旺角搵食🤗每當諗唔到食乜好，喺個腦度pop出嚟第一樣一定係放題😝因為想食咩就嗌咩，乜都有😂之前食過兆萬樓上嘅日式放題，今次就嚟到瓊華七樓呢間🌸至尊滿屋🌸 價錢非常吸引，晚巿只係188蚊 !!!兩本厚厚嘅menu: 刺身/壽司/卷物/創意壽司/火炙壽司/手捲/軍艦/小食/和風料理/天婦羅炸物/炭燒料理/串燒/季節料理.... 包羅萬有😆😆😆一開始梗係攞咗嘢飲先，野飲櫃入面有好多唔同嘅選擇，我見到底層支hoegaarden rosee 即刻心心眼😍😍 仲有熱sake添🍶刺身非常新鮮，我哋嗌咗幾款試下😝樣樣都唔錯喎!! 三文魚🐟大赤蝦🦐甜蝦🐚北海道帶子刺身🐚玉子🥚油甘魚🐠 刺身都算厚身，甜蝦係我最推介非常大隻!!火炙系列都非常之好😋三文魚腩壽司夠肥美!!蟹棒亦非常厚實😆手捲做到一口size，不過份量算適中，海膽都唔少而且鮮味唔腥!!☺熱食我最鍾意呢個燒牛肉同埋炸芝士香芋丸，香芋丸外脆內軟炸得好香口咬落煙韌，有陣陣嘅香芋味飄出嚟👍👍炸榴槤亦都好好食入面係流心嘅!!最後食埋燒菠蘿同埋甜品作結尾就圓滿啦😆雪糕仲要係movenpick或者haagen-dazs(是日精選焦糖脆餅係我至愛💓💓)