影片
更多
2021-10-06
642 浏览
好耐好耐冇寫食評，最近開始pick up返：）朋友生日飯揀咗呢個台灣過江龍打邊爐，睇相見餐廳環境唔錯，有海景位，食物賣相亦都算吸引～打開Menu發現有唔少Gimmick火鍋料，例如整到好似鳳梨酥嘅鱈魚豆腐，又或者好似雪條嘅海鮮棒，造型幾有趣。一嚟先叫湯底，分別要咗麻辣同人參雞。麻辣要跟埋鍋中間嘅醬一齊食先夠味，人參雞清清哋，藥材味唔重，未食嘢個個先飲一碗配料一切正常，可能我哋主要都係叫大路嘢啦。反而係好似雪條嘅「枝仔冰」有啲失望，佢係由蝦、花枝、豬肉打成嘅海鮮棒，冇咩特別。另一個主打係本地溫體牛，記住唔好淥太耐～同埋唔好用個網撈住淥，否則可能會有啲韌..因為用商場現金券，所以價錢抵咗好多
朋友生日飯揀咗呢個台灣過江龍打邊爐，睇相見餐廳環境唔錯，有海景位，食物賣相亦都算吸引～
打開Menu發現有唔少Gimmick火鍋料，例如整到好似鳳梨酥嘅鱈魚豆腐，又或者好似雪條嘅海鮮棒，造型幾有趣。
一嚟先叫湯底，分別要咗麻辣同人參雞。
麻辣要跟埋鍋中間嘅醬一齊食先夠味，人參雞清清哋，藥材味唔重，未食嘢個個先飲一碗
配料一切正常，可能我哋主要都係叫大路嘢啦。反而係好似雪條嘅「枝仔冰」有啲失望，佢係由蝦、花枝、豬肉打成嘅海鮮棒，冇咩特別。另一個主打係本地溫體牛，記住唔好淥太耐～同埋唔好用個網撈住淥，否則可能會有啲韌..
因為用商場現金券，所以價錢抵咗好多
张贴
