花木日本料理 (已結業)

今日同朋友黎到美食如雲嘅尖沙咀天文臺八號，見到三樓新開左一間日式餐廳叫花木，於是上左去睇睇。入到黎餐廳環境相當驚喜，首先空間感十足，坐落十分舒服，唔會太迫。其次，呢到裝修真係好有日本風，令人震驚，可以話係我去過嘅所有餐廳內手屈一指。呢到嘅菜式亦相當特別，係出邊嘅日式餐廳好少見到。 前菜方面，我地就叫做無花果大蝦沙律同梅刺身。和食則叫咗銀雪魚西京燒，燒牛脷同涼瓜炒蛋 。而主食方面就叫咗沖繩豚肉野菜炒麵。甜品係南瓜紅豆蕨餅。最先黎到嘅竟然係開張免費贈送嘅前菜拼盤，有銀魚仔，紅蕎頭同炸蟹仔，真係好Surprise！紅蕎頭酸酸甜甜的，真係超級開胃。而炸蟹仔外觀真係超級得意，吃起上黎相當香口。跟接其後就係無花果大蝦沙律，呢個組合真係好fresh！而梅刺身則有中拖羅，左口魚，赤貝同深海池魚，可以試到咁多款刺身真係好滿足！再黎就係和食啦！首先係呢款銀雪魚燒，真係超肥美同香口。而牛舌則同平時食到嘅好唔同，平時食到牛舌係較韌，呢款則有較多脂肪，食起黎好Soft！ 仲有銀雪魚添👀🤗🤗最令我印象深刻嘅係呢款涼瓜炒蛋，佢係連埋牛肉一齊炒，相當入味，而且涼瓜味亦唔會好重，超正！終於等到主食 - 沖繩豚肉野菜炒麵